Wednesday, March 11, 2015
တန်ခိုးပြခြင်းဆိုသော
သေခြင်း ၃မျိုး
(၃) ခဏိကမရဏ..
. (ခ) ရုပ်ဓာတ်၏ခဏိကမရဏ... (အပိုင်း-၆) (နောက်ဆုံးပိုင်း) ++++++++++++++++++++
(ခ) ရုပ်တရားတို့၏ ခဏိကမရဏ၌လည်း ခက်မာမှု, နူးညံ့မှုဟူသော မြေဓာတ်၏ မရဏ, ဖွဲ့စည်းတွယ်ကပ်မှုဟူသော ရေဓာတ်၏ မရဏ, ပူမှုအေးမှု ချမ်းမှုဟူသော မီးဓာတ်၏မရဏ, လှုပ်ရှားမှု, ကြရွမှု, တောင့် တင်းမှုဟူသော လေဓာတ်၏မရဏ ထိုဓာတ်ကြီးလေးပါး၌မှီသော စက္ခုအကြည်၏ မရဏ, သောတအကြည်၏ မရဏ စသည်ဖြင့် များသော အပြားရှိ၏၊ ခဏိကဇာတိ, ခဏိကဇရာတို့၌ ပြဆိုခဲ့ပြီးသော နည်းကို မှီ၍ ဤခဏိကမရဏကိုလည်း သိလေ။ ပုဂ္ဂိုလ်, သတ္တ၀ါ, အင်္ဂါကြီးငယ်အစရှိသော သဏ္ဌာန်မျိုးကို ပယ်ဖျောက်၍ ကိုယ်တွင်းမှာ သက်သက်သော မာမှုနူးညံ့မှု, သက်သက်သော ပူမှုအေးမှု အစရှိသော ဓာတ်သဘော ပရမတ်သဘောကို မိမိရရ မြင်နိုင်မှ ထိုဓာတ်တို့၏ ခဏိကမရဏကို မြင်နိုင်ရာသည်။ ခဏိကဇာတိ, ခဏိကမရဏကို မြင်နိုင်ရန် အခွင့်သည် အလွန်ခဲယဉ်း၏။ သန္တတိဇာတိ, သန္တတိဇရာ, သန္တတိမရဏတို့ကို မြင်နိုင်လျှင်ပင် ၀ိပဿနာ သမ္မာဒိဋ္ဌိ ကောင်းကောင်းဖြစ်တော့သည်၊ တာရှည်လေးမြင့် စွဲစွဲမြဲမြဲ ပွားများနိုင်လျှင် သက္ကာယဒိဋ္ဌိ ငရဲမီးကို သတ်ငြိမ်းစေနိုင်တော့ သည်။ လေငြိမ်ရာ အရပ်၌ ထွန်း၍ထားသော မီးတောက်မီးလျှံကို စေ့စေ့ ကြည့်၍ နေလျှင် လူလူ လူလူ နေသည်ကို မြင်ရ၏၊ လူလူတက်မှု ဟူသမျှ သည် ခဏိကဇာတိတည်း၊ အသစ်အသစ် ဖြစ်ပေါ်မှုတည်း၊ ထိုအသစ် အသစ် ဖြစ်ပေါ်မှုဟူသမျှသည် အဟောင်းပျက်မှုကို အစားစိုက်မှုချည်း တည်း၊ အဟောင်းပျက်မှုစုကား ပျောက်ကွယ်မှုဖြစ်၍ မျက်စိမမြင်ရာသို့ မြုပ်လေ၏၊ အသစ်ဖြစ်မှုကား မျက်စိမြင်ရာသို့ ပေါ်၍ လာ၏၊ ပျက်မှု သည် ဉာဏ်မျက်စိ၏ အရာတည်း။ မီးတောက်မီးလျှံ၌ ဧရာတည်ဖြစ်သော မြေဓာတ်သည် အလွန် အားနည်း၏၊ ထိုမြေဓာတ်ကို မှီတွယ်၍ တောက်သော မီးဓာတ်သည် အလွန်ထက်သန်၏၊ မှီရာမြေဓာတ် ခဏချင်း ခဏချင်း ကုန်အောင် လောင်၏၊ စား၏၊ မြေဓာတ်၏ ခဏခဏ ကုန်မှုကို ဉာဏ်နှင့် ကြည့်မှ ခဏခဏ မီးပျက်မှု ထင်ရှား၏။ သတ္တ၀ါတို့၏ ကိုယ်ခန္ဓာသည်လည်းဓာတ်မီးခဲကြီးအတိ ဖြစ်၏၊ ဓာတ်မီးတုံးကြီးအတိ ဖြစ်၏၊ မီးဟူသမျှသည်တလူလူနေသည်ချည်း၊ ကိုယ်ခန္ဓာကြီးသည် ထိုမီးတောက် မီးလျှံအလားပင်တည်း။ ။ဘယ်နေရာကို မဆို လက်နှင့် စိစိစမ်း၍ ဉာဏ်နှင့်စေ့စေ့ကြည့်မှ အေးလျှင်လည်း အေးရှိန် တလူလူတွေ့ရ၏၊ ပူလျှင်လည်းပူရှိန် တလူလူတွေ့၏၊ တလူလူဖြစ်နေသမျှ ဖြစ်မှုပျက်မှုချည်း၊ “ယထာပုဗ္ဗုဠကံ ပေဿ”ဟူသောပုဒ်မှာ ပြခဲ့သော ရေပွက်ဥပမာအတိုင်း ထင်မြင်အောင်ကြည့်လေ။ ကျေးဇူးတော်ရှင်လယ်တီဆရာတော်ဘုရားကြီး
သေခြင်း ၃မျိုး
မရဏ (သေခြင်း).....(၃)
ခဏိကမရဏ (အပိုင်း-၅) ++++++++++++++++++
(က) နာမ်ဓာတ်၏ခဏိက မရဏ၊
(ခ) ရုပ်ဓာတ်၏ခဏိကမရဏ...ဟူ၍နှစ်ပါးအပြားရှိ၏။
(က) နာမ်ဓာတ်၏ မရဏ သည်လည်း- (၁) စက္ခုဝိညာဏ်အမှူးရှိသော အမြင်နာမ်စု၏ မရဏ၊
(၂) သောတ၀ိညာဏ်အမှူးရှိသော အကြားနာမ်စု၏မရဏ၊
(၃) ဃာန ၀ိညာဏ်အမှူးရှိသော အနံ့ခံနာမ်စု၏ မရဏ၊
(၄) ဇိဝှါဝိညာဏ် အမှူးရှိ သော အရသာခံနာမ်စု၏ မရဏ၊
(၅) ကာယ၀ိညာဏ် အမှူးရှိသော အထိအသိနာမ်စု၏ မရဏ၊
(၆) မနောဝိညာဏ်အမှူးရှိသော အကြံ အဖန်နာမ်စု၏ မရဏ ဟူ၍ ခြောက်ဂိုဏ်းရှိ၏။ ဖဿ၏ မရဏ, ဝေဒနာ၏မရဏ, လောဘ၏မရဏ, ဒေါသ၏မရဏ, သဒ္ဓါ၏မရဏ, ပညာ၏ မရဏ စသည်ဖြင့်များစွာရှိ၏။ ။ သန္တတိမရဏကိုပြဆိုသော အခန်း၌ ဇော တသုတ်ထ၍ ကျပျောက်မှုကို မရဏတခုဟု ဆိုခဲ့သည်ကား သန္တတိ မရဏတည်း။ ခဏိက မရဏမှာမူကား ထိုဇောတသုတ်အတွင်း၌ပင်လျှင် ပထမဇော၏သေမှုတခြား, ဒုတိယဇော၏သေမှုတခြား, တတိယဇော၏ သေမှုတခြားစသည်ဖြင့် မရဏတရားများပြားလေ၏။ အနှစ်အဆီပြည့်သောသစ်စေးနှစ်ကို မီးရဲရဲစွဲလောင်၍နေသည်ကို စေံစေ့ကြည့် လျှင်မီးရွရွရွရွနေသည်ကိုမြင်လတံ့။ ရွရွရွရွဖြစ်မှု မည်သည်ကား ပျက်မှုနှင့် ဖြစ်ပေါ်မှု ထွေးယှက်ချက်ပေတည်း။ ဤဥပမာလည်း ရှေး၌ ပြဆိုခဲ့ပြီ၊ မုန့်ညင်းစေ့ပမာဏရှိသော ယမ်းမီး ဥပမာလည်း ပြဆိုခဲ့ပြီ။ ။ပဋိသန္ဓေ တည်နေသည်မှစ၍ တစ်ဘ၀လုံး စက္ခုစသော အကြည်ဒွါရ ခြောက်ဌာန တွင် အလှည့်အလည်အားဖြင့် ခဏမစဲတလစ်လစ် တလက်လက် အတွင်ဖြစ်, အတွင်ပျက် မျက်တောင်တခတ်ခန့်ကာလမှာ နာမ်၏မရဏ ကာလပေါင်း တစ်ထောင်မက လျင်မြန်လှ၏။ လျင်မြန်ပုံကို ယုတ္တိနှင့် ဆိုပေအံ့။ ။ ၀ိညာဏ်နှင့်အတူတကွ ဖြစ်ပေါ်ကြသော နာမ်အစု နာမ်အခဲမည်သည် ခန္ဓာကိုယ်မှာနှစ်ခုပြိုင်၍ ဖြစ်ရိုးမရှိ၊ စက္ခုမှာ ဖြစ်ကြခိုက် စက္ခုမှာသာ ရှိ၏၊ တစ်ကိုယ်လုံးမှာ မရှိ၊ သောတမှာ ဖြစ်ကြခိုက် သောတမှာသာ ရှိ၏။ တစ်ကိုယ်လုံးမှာ မရှိ၊ ဃာနမှာ ဖြစ်ကြခိုက် ဃာနမှာသာ ရှိ၏။ တစ်ကိုယ်လုံးမှာ မရှိ၊ ဇိဝှါမှာ ဖြစ်ကြခိုက် ဇိဝှါမှာသာ ရှိ၏။ တစ်ကိုယ်လုံးမှာ မရှိ၊ ဟဒယ၀တ္ထုမှာ ဖြစ်ကြခိုက် ဟဒယ၀တ္ထုမှာသာ ရှိ၏။ တစ်ကိုယ်လုံးမှာ မရှိ၊ ကာယမှာ လည်း ခြေဖ၀ါးမှာ ဖြစ်ကြခိုက် ခြေဖ၀ါးမှာသာ ရှိ၏။ တစ်ကိုယ်လုံးမှာ မရှိ၊ လက်ညှိုးလက်ဖျားမှာ ဖြစ်ကြခိုက် လက်ညှိုးလက်ဖျားမှာသာ ရှိ၏။ တစ်ကိုယ်လုံးမှာ မရှိ။ ။ ဤနည်းအတိုင်း တစ်ကိုယ်လုံးမှာသိလေ။ ။ ထိုသို့ဖြစ်သော်လည်းအတုမရှိ မြန်လှသည့်အတွက်ကြောင့် မြင်မှု, ကြားမှု, နံမှု, လျက်မှု, ပူမှု, ချမ်းမှု, ကြံဖန်မှုတို့သည် တပြိုင်နက် ပြိုင်၍ဖြစ်သည်ဟု ထင်ကြရကုန်၏။ ဥပမာကား-မြန်မှုတွင် အတိတ်ရဖြစ်သော ဘုရားအလောင်း တော် ဇ၀နဟင်္သာမင်းကြီးသည် မိတ်ဆွေဖြစ်သော ဗာရာဏသီမင်းကြီးထံ လာရာ အစွမ်းကိုပြခြင်းငှာ ဗာရာဏသီပြည် ပေါ်မှာဝဲလေ၏၊ ဗာရာ- ဏသီပြည်ပေါ်မှာ ကြည့်လေရာရာ ဟင်္သာချည်းဖြစ်နေ၏၊ ဤအတူ အေးစွာသောရေကို ချိုးလောင်းရာ တစ်ကိုယ်လုံး အေးမှုက်ို တစ်ပြိုင်နက် တည်းသိ၍နေသကဲ့သို့ထင်ရ၏။ ။ ထိုသို့ပြိုင်၍ နှစ်ဌာနမျှ ဖြစ်သည်ဟု မရှိ၊ အာရုံထိခိုက်မှု အားရှိရာ, မနသိကာရ အားကြီးရာတို့၌ အစဉ်အား ဖြင့်သာ ပေါ်၍သွား၏။ ခြေဖျား၌ အာရုံထိခိုက်မှုအားကြီးခဲ့လျှင်ခြေဖျားမှာဖြစ်ပေါ်၏၊ လက်ဖျားမှာ အာရုံထိခိုက်မှု အားကြီးခဲ့လျှင်လက်ဖျားမှာ ဖြစ်ပေါ်၏၊ တစ်ကိုယ်လုံးမှာ ဤနည်းတူသိလေ။ ။ အတွင်းအပြင် တစ်ကိုယ်လုံးမှာ အပ်ဖျားနှင့် ထိုး၍ စမ်း၊ နာကောင်းသမျှနေရာစုသည် သိတ်ပေါ်ထွက်နိုင်သော နေရာချည်းတည်း။“တစ်ကိုယ်လုံးမှာ ဖြစ်နိုင်၏, နှံ့၏” ဟူသော်လည်း နှလုံးအိမ်ထဲမှာစမ်းရေ စိမ့်ရေကဲ့သို့ အမြဲဖြစ်၍ နေသည်၊ တခြားတပါးသော နေရာဌာနမှာ ဖြစ်ပေါ်ခိုက်သာ နှလုံးအိမ်မှာ စိတ်ပြတ်သည်။ အာရုံထိခိုက်ရာဌာနမှာ စိတ်ဖြစ်ပေါ်သည်ဟူသောစကား၌ ခြေသန်း ဖျားကို ထိခိုက်လျှင် ထိမှုဒဏ်ချက်ကြောင့် ထိသော နေရာမှာ မီးပွင့်သကဲ့သို့ ဖြစ်ပေါ်၍ထိုနေရာမှာပင် မီးပွင့်ငယ် သေပျောက်သကဲ့သို့ ပျောက်ဆုံး၏။ ။ ထိုနေရာမှာ ပေါ်မည်ရှိလျှင် နှလုံးအိမ်မှာ ချုပ်ကွယ်၏။ ။ မချုပ်မကွယ်မသေမဆုံးဘဲနှင့် တစ်နေရာမှ တစ်နေရာသို့ ပြောင်းရွေ့သည်ဟူ၍ကားမရှိ၊ ဓမ္မတာသည်သာတည်း။ ထို့ကြောင့် ပြင်ပအပေါ်ရေနှင့်တကွဦးနှောက်တွင်း, အဆုတ်တွင်း, အသည်းတွင်းစသော အတွင်းအပတစ်ကိုယ်လုံးမှာ တစ်နေ့အတွင်း, တစ်ရက်အတွင်း စိတ်နှင့်တကွသောနာမ်ဓာတ်စု ဖြစ်မှု ပျက်မှု လွတ်ကင်းရာ နေရာကိုရှာသော် အနုမြူမျှမရလတ္တံ့၊ တစ်နေ့အတွက် တစ်ကိုယ်လုံးမှာ အနုမြူမျှမလပ်ဘဲ အထပ်ထပ် အကုဋေမက စိတ်သင်္ချိုင်းကျမှု, ဖဿသင်္ချိုင်းကျမှု, ဝေဒနာသင်္ချိုင်းကျမှုကို သိအပ်သတည်း။ဤကား နာမ်၏ ခဏိကမရဏကို ပြဆိုသော အခန်းတည်း။ ကျေးဇူးတော်ရှင်လယ်တီဆရာတော်ဘုရားကြီး
သေခြင်း ၃မျိုး
သေခြင်း ၃မျိုး
သေခြင်း ၃မျိုး
မရဏ (သေခြင်း).....
(၂) သန္တတိမရဏ (အပိုင်း-၂)
+++++++++ မှန်ရိပ်ဥပမာ ********* မှန်မျက်နှာထိုထိုဝတ္ထု တိုက်ဆိုင်မိသောအခါ၌ မှန်အပြင်မှာ အရိပ်ပေါ်၏၊ မျက်နှာ လွဲပြန်လျှင် ထိုအရိပ် ကွယ်ပျောက်၏၊ တဖန် တိုက်ဆိုင်ပြန်လျှင် အရိပ် ပေါ်မြဲ ပေါ်ပြန်၏၊ မျက်နှာလွဲပြန်လျှင် အရိပ်ပျောက်မြဲ ပျောက်ပြန်၏၊ မှန်အပြင်နှင့် စက္ခုအကြည်တူ၏၊ အရိပ်နှင့် စက္ခုအကြည်မှာ ဖြစ်ပေါ် ကြသော နာမ်ဓာတ်စု တူ၏၊ ဖြစ်ပေါ်မှုကား နာမ်ဓာတ်စု၏ ဇာတိဓမ္မ တည်း၊ ချုပ်ပျောက်မှုကား နာမ်ဓာတ်စု၏ မရဏဓမ္မကြီးပေတည်း။ ။ ရေအကြည် စသည်တို့၌ပေါ်သော အရိပ်တို့နှင့်လည်း တူပါ၏၊ နေရောင်, မီးရောင်တို့၌ ပေါ်သောလူရိပ်, သစ်ရိပ်တို့နှင့်လည်း တူပါ၏၊ သစ်ပင်ရိပ် မှာ သစ်ပင်နှင့် အဆင်းသဏ္ဌာန်တူ၏၊ မြေအပြင်နှင့် စက္ခုအကြည် တူ၏၊ နေနှင့် ရှေးကံဟောင်း တူ၏၊ အရိပ်နှင့် စက္ခုအကြည်မှာ ပေါ်သောနာမ် ဓာတ်စု တူ၏။ မှန်ဘီလူးကြီး ဥပမာ ************** အန္ဓပုထုဇဉ် သတ္တ၀ါတို့သည် ရေ, မြေ, တော, တောင်, အိပ်ရာ, ကျောင်း, ကန်, နွား, ကျွဲ, ဆင်, မြင်း, လူ, ရှင်, ယောက်ျား, မိန်းမ, ဦးခေါင်း,ခြေ,လက်အစရှိသော ထိုထိုအဆင်းသဏ္ဌာန်ကို မြင်ကြသော အခါ သက္ကာယဒိဋ္ဌိအတိုင်း ဘယ်ဟာကို ငါမြင်သည်, ငါကြည့်သည်, ငါရှုသည်ဟု ဖြစ်ကြကုန်၏၊ အမြင်နာမ်ဓာတ်စု ဖြစ်ပေါ်မှုဟူ၍ မသိကြ ကုန်၊ ထိုဓာတ်စု၏ မြင်မှု,ကြည့်မှု, ရှုမှုဟူ၍မသိကြကုန်၊ တဖန်ကွယ်၍ သွားပြန်လျှင် ငါမမြင်ပြန်ပြီဟု သိကြကုန်၏၊ ထိုနာမ်ဓာတ်စုတို့၏ သေဆုံးမှု, ပျောက်ကွယ်မှု, အနိစ္စရောက်ကြသောအမှုဟု မသိကြကုန်။ အနာအို,အနာဟောင်းကြီးရှိကြရာ၌ ပကတိမျက်စိနှင့် မမြင်ကောင်း၊ မှန်ဘီလူးကြီး တပ်၍ကြည့်မှ သံသေဒဇ ပိုးငယ်တို့သည် အနာနှင့် အပြည့် ကျရောက်ဖြစ်ပေါ်လာရာ၌ ထထိုပိုးတို့၏ တိုက်မှု, စားမှုကြောင့် အနာ သည်ယားယံ၍လာ၏၊ အရည်စက်လည်း ယိုထွက်၍လာ၏။ အနာရှင်မူကား မှန်ဘီလူး မရှိသည်ဖြစ်၍ ပိုးကောင်ငယ်တွေကိုပင် ကိုယ့်အသွေး, ကိုယ့်အသားမှတ်၏၊ ပိုးကိုက်၍ယားယံသည်ကိုပင် အနာ ပျေက်၍ ယားယံသည်ဟု ၀မ်းမြောက်ဝမ်းသာရှိ၏၊ ပိုးတို့ကြောင့်ဖြစ်သောအရည်အစက် ယိုထွက်သည်ကိုလည်း အနာပျောက်လို၍ မန်းရည်ယိုသည်ဟု ၀မ်းမြောက်၏၊ ထိုအောကာင်းကိုသိသော ဆေးသမားဆရာကထိုသူ၏မျက်စိ၌ မှန်ဘီလူးကြီးတပ်၍ ပြသောအခါ၌ အနာထဲမှာ နဂါးတွေက နေသကဲ့သို့ လောက်လက် ဆူကြ တရွရွ နောကသော ပိုးငယ်တွေကို မြင်လေ၏၊ ထိုအခါမှ ကြက်သီးကြီး ထ၏၊ ကြောက်လှ၏၊ ယခုပင် အတွင်းသို့ အခေါင်းပေါက်အောင် စားကြလိမ့်မည်ထင်၏၊ မအိပ်ဝံ့မနေ၀ံ့ အနာရိပ်, ပိုးရိပ်ကိုသာ တကြည့်တည်း ကြည့်၏၊ ဆေးဆရာကို တွယ်တာ၏၊ သုတ်လိမ်းရန်ပေးသော ဆေးကို နည်းလှသည်ထင်၏၊ နှစ်ကြိန် သုံးကြိမ်းသုတ်လိမ်းရန်ပေးသောဆေးကို တစ်ကြိမ်းတည်း အကုန်လိမ်း၏၊ ဆေးဆရာက ဣရိယယာပထ မျှတရန် အိပ်ပါဟုဆိုသော် မအိပ်နိုင် မအိပ်ဝံ့ရှိ၏၊ အနာကိုကြည့်၍ဆေးသုတ်လိမ်းမှု၌သာ မနေ မနား အားထုတ်၏။ ဥပမာ ဥပမေယျ စပ်ဟပ်ပြချက် ၁။ အန္ဓပုထုဇဉ် အဖြစ်နှင့်နေသော သတ္တ၀ါစုသည် အနာသည်, ရောဂါသည်ကြီးနှင့်တူ၏။ ၂။ အနမတဂ္ဂ သံသရာ၌အစဉ်ဖြစ်၍လာခဲ့သော မျက်လုံးနှစ်ခု သည် အနာဟောင်းကြီးနှင့်တူ၏။ ၃။ ထိုထို အဆင်းသဏ္ဌာန်နှင့် တွေ့ကြုံမိတိုင်းစက္ခုအကြည်မှာ ဖြစ်ပေါ်လာသောစက္ခုဉာဏ် အမှူးရှိသော နာမ်ဓာတ်စုသည် ထိုအနာ ဟောင်းကြီးဖြစ်ပေါ်လာသော အလွန်သိမ်မွေ့စွာသော သံသေဒဇပိုး ငယ်နှင့်တူ၏။ ၄။ ၀ိပဿနာသမ္မာဒိဋ္ဌိ ဉာဏ်မျက်စိ မရှိဘူးသေးသည်ဖြစ်၍ ထိုနာမ်ဓာတ်စုကို ဓာတ်အသီးအခြား, ဓမ္မအသီးအခြား, အာဂန္တုတရားစု, ပဋိစ္စသမုပ္ပါဒ်တရားစုဟူ၍သက်သက်မသိမမြင်သည့် အတွက်ထိုဓာတ် တို့ကိုငါပြု၍ ငါမြင်သည်ဟုဖြစ်၍ နေကြသော အန္တပုထုဇဉ်စု၏အမှုသည် အာဂန္တုက သံသေဒဇပိုးကောင်တွေကို ကိုယ်သွေး, ကိုယ့်သားဟု ဖြစ် သော အနာသည်နှင့်တူ၏။ ကျေးဇူးတော်ရှင်လယ်တီဆရာတော်ဘုရားကြီး 
သေခြင်း ၃မျိုး
မရဏ (သေခြင်း) (အပိုင်း-၁) +++++++++
(၁) ဘ၀ဆုံးမရဏ,
(၂) သန္တတိမရဏ,
(၃) ခဏိကမရဏ- ဟူ၍ သုံးပါး အပြားရှိ၏။
(၁) ဘ၀ဆုံးမရဏ အာယုက္ခယ-အသက်တမ်းကုန်၍ သေခြင်းတစ်ပါး၊ ကမ္မက္ခယ-ကံအစွမ်းကုန်၍ သေခြင်းတစ်ပါး၊ ဥဘယက္ခယ-အသက်တမ်း လည်းကုန်, ကံအစွမ်းလည်းကုန် နှစ်ပါးဆုံ၍ သေခြင်းတစ်ပါး၊ ဥပစ္ဆေဒက-အကုသိုလ်ကံတပါး အတင်းဖြတ်၍ သေခြင်းတပါး၊ ဤ ၄- ပါးသော သေခြင်းသည် ဘ၀ဆုံးမရဏ မည်၏။ (၂) သန္တတိမရဏ သန္တတိမရဏ သည် နာမ်သန္တတိမရဏ, ရုပ်သန္တတိမရဏ ဟူ၍ နှစ်ပါးရှိ၏။ ။ နာမ်သန္တတိမရဏဆိုသည်ကား-ဆိုက်ရောက်သော အခွင့်အားလျော်စွာ ဖြစ်ပေါ်လာကုန်သော နာမ်ဓာတ်တို့၏ ကွယ်ပျောက် ပျက်ဆုံးခြင်းတည်း၊ ထိုနာမ်သန္တတိမရဏသည် မျက်စိ၌ အမြင်ဓာတ်စု၏ သေဆုံးခြင်း, နား၌ အကြားဓာတ်စု၏ သေဆုံးခြင်း, နှာခေါင်း၌ အနံ့ ဓာတ်စု၏ သေဆုံးခြင်း, လျှာ၌ အရသာကို သိသော ဓာတ်စု၏ သေဆုံး ခြင်း,တကိုယ်လုံး၌ အတွေ့အထိကိုသိသော ဓာတ်စု၏ သေဆုံးခြင်း, နှလုံးအိမ်တွင်း၌ အကြံအဖန် ဓာတ်စု၏ သေဆုံးခြင်းဟူ၍ ခြောက်ပါး အပြားရှိ၏။ ဖဿခြောက်ပါး၏ သေခြင်း, ဝေဒနာ ခြောက်ပါး၏ သေခြင်း, သညာခြောက်ပါး၏ သေခြင်း, စေတနာ ခြောက်ပါး၏ သေခြင်း, ၀ိတက်ခြောက်ပါး၏ သေခြင်း, ၀ိစာရခြောက်ပါး၏ သေခြင်း, ၀ီရိယ၏ သေခြင်း, ပီတိ၏ သေခြင်း, ဆန္ဒ၏ သေခြင်း, လောဘ၏ သေခြင်း, ဒေါသ၏ သေခြင်း, မောဟ၏ သေခြင်း, မာန၏ သေခြင်း, ဒိဋ္ဌိ၏ သေခြင်း, ဣဿာ၏ သေခြင်း, မစ္ဆေရ၏ သေခြင်း, သဒ္ဓါ၏ သေခြင်း, သတိ၏ သေခြင်း, ဟိရီသြတ္တပ္ပ၏ သေခြင်း, အလောဘ၏ သေခြင်း, အဒေါသ၏ သေခြင်း, အမောဟခေါ်သော ပညာ၏ သေခြင်း, ကရုဏာ၏ သေခြင်း, မုဒိတာ၏ သေခြင်း, ဒါနကုသိုလ်စိတ်၏ သေခြင်း, သီလကုသိုလ်စိတ်၏ သေခြင်း, ဘာဝနာကုသိုလ်စိတ်၏ သေခြင်း, ကာယကံ၏ သေခြင်း, ၀စီကံ၏ သေခြင်း, မနောကံ၏ သေခြင်း အစရှိ သည်ဖြင့် နာမ်၏ သေခြင်းသည် များသော အပြားရှိ၏။ “သေခြင်း”ဆိုသည်ကား-မီးပြင်းထိုး၍ တစုံတခုကို ကျိုချက်သော အခါ ရေပွက်တို့သည် မီး၏ အဟုန်ကြောင့် ဆူဆူတက်၍ ထကုန်၏၊ မီးကို ငြိမ်း၍ ထားသောအခါ ထိုရေပွက်တို့သည် ကွယ်ပျောက်ပျက်ဆုံး၍ ကုန်၏၊ ရေပကတိတိုင်း ရှိ၏၊ တဖန် မီးထိုးပြန်လျှင် ဆူပွက်မြဲ ဆူပွက် ပြန်၏၊ မီးငြိမ်းပြန်လျှင် အပွက်အကုန် သေမြဲ သေပြန်၏၊ မီးတောက် ပြန်လျှင် ပွက်မြဲပွက်ပြန်၏၊ မီးမရှိပြန်လျှင် အပွက်သေမြဲ သေပြန်၏၊ ဤဥပမာ၌ အပွက်သေသည် ဟူသကဲ့သို့ ထိုထိုဓာတ်၏ သေခြင်းတည်း။ လောဘအာရုံ၌ ကြုံတွေ့သောအခါ နှလုံးထဲမှာ လောဘဓာတ် ပွက်ပွက် ဆူ ဖြစ်ပေါ်၍လာ၏၊ ထိုအာရုံနှင့် လွဲပြန်လျှင် ထိုလောဘဓာတ် သေပြန် ၏၊ အကုန်လုံး ကွယ်ပျက် ပျောက်ဆုံးပြန်၏၊ တဖန် ထိုအာရုံနှင့် တွေ့ဆုံ ပြန်လျှင် လောဘဓာတ် ပွက်ပွက်ဆူဖြစ်ပေါ်ပြန်၏၊ အာရုံနှင့် လွဲပြန်လျှင် သေပျောက်မြဲ သေပျောက်ပြန်၏၊ ဤသို့ ဓာတ်သေသည်ကို “မရဏ” ဟုဆိုသတည်း။ မျက်စိနှင့် ထိုထိုအဆင်းသဏ္ဌာန် တွေ့ထိ၍ နေဆဲအခါ၌ စက္ခု အကြည်ပေါ်မှာ စက္ခုဝိညာဏ်နှင့်တကွ နာမ်အမြင်ဓာတ်စု ပွက်ပွက်ဆူ ဖြစ်ပေါ်၍နေ၏၊ ဤကား နာမ်၏ သန္တတိဇာတိဓမ္မတည်း။ ။ ထိုအဆင်း သဏ္ဌာန်နှင့် မျက်နှာလွဲပြန်လျှင် ၀ိညာဏ်နှင့်တကွ ထိုနာမ်ဓာတ်စု အကုန် သေ၏၊ ပျောက်ပျက်ကွယ်ဆုံး၏၊ ဤကား-နာမ်၏ သန္တတိမရဏဓမ္မ ကြီးတည်း။ - ရေကို ကျိုချက်ရာ၌ ရေနှင့် စက္ခုအကြည်သည် တူ၏၊ - မီးတောက်နှင့် ထိုထိုအဆင်းသဏ္ဌာန်စုသည် တူ၏၊ - မီးတောက်၏ အဟုန်ကြောင့် ရေအပြင်မှာ ရေပွက်ငယ်တွေ ဆူဆူတက် ပွက်ပေါ်သည်နှင့် ထိုထိုအဆင်းသဏ္ဌာန် အရိပ်ခိုက်မှု, ထင်မှုကြောင့် စက္ခုအကြည်ပေါ်မှ စက္ခု ၀ိညာဏ်စသော နာမ်ဓာတ်စု ဆူဆူတက် ဖြစ်ပေါ်မှု တူ၏၊ - မီးငြိမ်းလျှင် ရပွက်ငယ်တွေ အကုန်ပျောက်ဆုံးသည်နှင့် ထိုထိုအဆင်း သဏ္ဌာန်ရိပ်စု ခိုက်မှု ထင်မှု မရှိပြန်လျှင် စက္ခုဝိညာဏဓာတ်နှင့်တကွသော ထိုနာမ်ဓာတ်စု သေဆုံး ကွယ်ပျောက်မှုသည် တူ၏။ ကျေးဇူးတော်ရှင်လယ်တီဆရာတော်ဘုရားကြီး
